Estes son os microrelatos e micropoemas seleccionados para o VI concurso convocado pola coordinadora comarcal terras do Umia:
Microrelato:
Penumbras
Pensamentos que me desconcertan ate
chegar a un punto onde o que teño como real é confundido co
imaxinario. Momentos onde os seres máis monstruosos que consigo
crear chegan a facerse tan verdadeiros … Intres nos que o pánico
inunda cada recunchiño do meu ser, ata o máis profundo.
Sensacións que te fan estremecer e pór a pel de galiña. Os
pesadelos terroríficos contra os agarimos dos soños máis doces.
Noites onde a loucura me adormece e todo perde a razón. Delirios
arrepiantes dunha vella no seu leito de morte. Un calafrío que
recorre o meu corpo.
Andrea 4º A
Unha
morte irrelevante.
Nunha
longa e húmida noite de finais de inverno, el, atopábase perdido
nun souto, sabendo que ía morrer. Pouco tempo lle quedaba antes de
que saíra o sol, pero era inevitable. Tras uns días, atopouno morto
un leñador, del só quedaba o seu sombreiro, os seus botóns, e o
seu nariz de cenoria.
Mateo
Micropoemas
Polos
brillos do teu corpo .
Polos contrastes do teu pelo.
Polas sombras do teu ser.
Polo ollar desenfocado nunha noite de inverno.
Uxía
Tristura
Arrebatadoras ganas da noite,
de poder desenchufar a lúa,
chorar así ás escuras e, mentres,
asulagar as estrelas de tristura.
Sara S.
